今日係回憶番 八月四 (星期一) 嗰日既事

喺當日再早幾日前有同學問我一唔一齊去大圍踩單車   ＜-------換平時既話...

                                                                                     除非係有人我好想見..

                                                                                      唔係我都唔想去咁遠="=

(佢地話由大圍踩去大尾篤..我都冇咁好既體力=_=)

起初好幾次我都話唔去   因為我都唔識踩

(再對上玩個陣都係好幾年前既事  而且仲係嗰陣先第一次敢試踩)   ＜-------好怕受傷..

直到當日前嗰晚我先決定都係跟埋去..   (因為某人既誘導關係)

所以我只好抱住 會拖累人地 同 會傷晒返屋企 既心態去

當日我少有地比預定時間早到..(唔知係咪第一個到)

我地等齊人之後就租車(諗落都唔係話貴..$45/7hrs 話晒都咁多粒鐘)

(之間細節唔打啦..)

開始冇耐我都受左傷..隻右手擦損左

間期佢地好多時都要等我..因為我踩得太慢..明顯同佢地差好遠..

所以要打電話黎睇下我喺邊..

(事實上我真係幾次都踩左路..又因為甩左隊所以唔知要踩去邊)   ＜-------平時房門都唔點出..

有時仲會有幾位同學輪流踩慢啲睇住我..(我果然會俾麻煩人)

另外我踩踩下先發覺我條褲腳黑晒......隻手都黑左啲

所以唔小心連衫都整黑左少少....

(我開頭都冇諗過啲機油問題...我當日白衫..淺色褲...)   ＜-------[一回想番個心就...="=]

經過好多路程之後..我終於踩到目的地...點知佢地傾下傾下....

竟然話要踩番到大圍交車先得...

(好後悔...我唔應該去....即使係去..我應該搵個同學踩嗰啲二人單車=  =")

但係~由於我回程踩得太慢...今次甩得仲勁~ 但我又唔認得啲路

(其實如果唔係要即日還車俾間野...我當時不知幾想搵人俾我留宿一晚...)

只好麻煩佢地番轉頭黎接我..

結果遲左交車俾人地...(佢地好似話過遲左要罰錢..不過唔知最後點...我就冇話要再俾多次錢)

呢日我真係好盡力架喇..

總結一下得著先..

得到既係：踩單車既經驗

                    右手既傷口   ＜-------又有痕留低...好唔鍾意

                    曬傷左既雙手   ＜-------手背上某位唔知點解特別傷...特別黑=  ="

                    白衫上有好明顯既黑色圖案   ＜-------好討厭...雖然只好怪自己腦筋唔好

                    淺色褲腳上既一大範圍既污積   ＜-------我果然冇人鍾意..連自身都無法鍾意

                    疼痛既掌心   ＜-------因為握扶手握得唔好

                    乏力既雙腳   ＜-------平日根只有坐同瞓嘛...

之後既幾日...剩下既就有..

痛失雪白既衫褲..

黑左既手

擦損既傷痕

仲有就係全身上下好幾到都痛

(尤其係之前坐車既位...可能我坐得衰....雖然冇咩咁痛..但都坐得唔舒服~_~)

[好奇...唔知點解過左咁多日...都近一星期啦..我大肶個到仲痛緊..仲痛過之前...]